ಏ ಹೆಂಡತಿ ನೀ ಭಾಳ ಕಾಡುತಿ

ಏ ಹೆಂಡತಿ 

ನೀ ಭಾಳ ಕಾಡುತಿ,

ನಂದೆಲ್ಲಾ ನಿಂದೇ ಅಂದ್ರೂ ,

ನಂಗೇನ್ ಮಾಡಿದಿ 

ಎಂದು ಕೇಳುತಿ .,

ಹೆಂಡತಿ ನೀ ಭಾಳ ಕಾಡುತಿ ..,

ಹೊರಕ್ಕ್ ಹೋಗಿ ಬಂದ್ಮ್ಯಾಕೆ 

ಜನ್ಮಾ ನೀ ಜಾಲಾಡತಿ ,

ಸ್ವಲ್ಪ್ ಹೊತ್ತಾದ್ರೂ ಥಕಥೈ 

ಅಂತ ಕುಣಿಯುತಿ ,

ಸಂಜೆ ಹೊರಬಿದ್ದೊಡೆ 

ಕಣ್ಣು ಕೆಂಪ ಮಾಡುತಿ ,

ಪ್ರಾಣಾನ ನೀನ್ ಹಿಂಡುತಿ.,

ಹೆಂಡತಿ ನೀ ಭಾಳ ಕಾಡುತಿ ..,

ವಾರವಾದ್ರೂ ಹೊರಗೆಲ್ಲೂ 

ಕರೆದೊಯ್ದಿಲ್ಲ ಎಂದು ಕೆಣುಕುತಿ ,

ಮನೆಯೂಟ ಒಂದ್ತುತ್ತು ಕಮ್ಮಿ 

ತಿಂದ್ರುನೂ ಅನುಮಾನ ನೀ ಪಡತೀ ,

ಕಣ್ಣಂಚಿನಲಿ ಗಂಗಾಭಾಗೀರತಿಯ 

ನೀನು ತೋರುತೀ.,

ಹೆಂಡತಿ ನೀ ಭಾಳ ಕಾಡುತಿ ..,

ಮೊದಮೊದಲು ಚೆಲುವು ವಯ್ಯಾರಗಳ ಒಡತಿ ,

ಈಗೀಗ ಚಿನ್ನ ರನ್ನ ಎಂದರೂ 

ನೀ ಮೂಗು ಮುರಿಯುತಿ ,

ತವರಿನ ಮಾತೆತ್ತಿದ್ರ 

ಮಾತ್ರ ನೀ ಬಳುಕುತಿ .,

ಹೆಂಡತಿ ನೀ ಭಾಳ ಕಾಡುತಿ ..,

ಮಕ್ಕಳನು ಕಣ್ಣಲ್ಲಿ ಕಣ್ಣಿಟ್ಟು 

ನೀನ್ ಸಾಕುತಿ ,

ಅವರಾ ಆಗಸ ಮುಟ್ಟಲೆಂದ್ 

ನೀನು ಬಯಸುತಿ ,

ಅವರೆದುರುತ್ತರಕೆ ಮುಖವ 

ಸಣ್ಣ ಮಾಡುತಿ ,

ಅದಕಾಗಿ ನನ್ಮ್ಯಾಲೆ 

ನೀನ್ ಸಿಡುಕುತಿ .,

ಹೆಂಡತಿ ನೀ ಭಾಳ್ ಕಾಡುತಿ ..,

ಈಗೀಗ ದ್ಯಾವ್ರ ಮ್ಯಾಕೆ 

ಜಾಸ್ತಿಯಾತು ನಿಂದ ಭಕುತಿ ,

ಏನೇನೊ ಹರಕೆ ನೀನು ಹೊರತಿ ,

ಅದನೆಲ್ಲ ತೀರಿಸೆಂದು ನನ್ನ ಬೇಡುತಿ ,

ತುಳಸಿಕಟ್ಟೆ ಪ್ರತಿದಿನ 

ನೀನು ಸುತ್ತುತಿ ,

ನಿನಹಿಂದೆ ನಾ ಸುತ್ತಲೆಂದ್ ಬಯಸುತಿ .,

ಹೆಂಡತಿ ನೀ ಭಾಳ ಕಾಡುತಿ ..,

ಏನಾದರೆಂತು 

ನನ್ನೊಲವಿಗೆ  ನೀನೊಡತಿ ,

ನನ ಜೀವನದ ಜೋಕಾಲಿ 

ನೀ ಜೀಕುತಿ ,

ನನ ಬಾಳೆಂಬ ಗಾಳಿಪಠದ 

ಸೂತ್ರ ನೀ ಎಳೆಯುತಿ ,

ನನ ಸಂಸಾರವ ನೀ ಬೆಳಗುತಿ ,

ನನ ಕಷ್ಟ ಸುಖಗಳ ಸಮಪಾತಿ ,

ಹಂಗಂತಲೇ ನಿನ್ಮ್ಯಾಗ 

ನಂಗೈತಿ ಬಲು ಪ್ರೀತಿ .....

 ವಂದನೆಗಳೊಂದಿಗೆ